حد سے گزرا جب انتظار ترا
موت کا ہم نے انتظار کیا

میر علی اوسط رشک

---

---

انیسؔ دم کا بھروسا نہیں ٹھہر جاؤ
چراغ لے کے کہاں سامنے ہوا کے چلے

میر انیس

---

---

نہ سکندر ہے نہ دارا ہے نہ قیصر ہے نہ جم
بے محل خاک میں ہیں قصر بنانے والے

مرزارضا برق ؔ

---

---

موت سے کس کو رستگاری ہے
آج وہ کل ہماری باری ہے

مرزا شوقؔ  لکھنوی

---

---

دن ڈھل رہا تھا جب اسے دفنا کے آئے تھے
سورج بھی تھا ملول زمیں پر جھکا ہوا

محمد علوی

---

---

میں ناحق دن کاٹ رہا ہوں
کون یہاں سو سال جیا ہے

محمد علوی

---

---

موت بھی دور بہت دور کہیں پھرتی ہے
کون اب آ کے اسیروں کو رہائی دے گا

محمد علوی

---

---