ہوا ہے یوں بھی کہ اک عمر اپنے گھر نہ گئے
یہ جانتے تھے کوئی راہ دیکھتا ہوگا

افتخار عارف

---

---

آنے میں سدا دیر لگاتے ہی رہے تم
جاتے رہے ہم جان سے آتے ہی رہے تم

Delay in arriving always managed to contrive
this world I was leaving, yet you didn't arrive

امام بخش ناسخ

---

---

تمام عمر یوں ہی ہو گئی بسر اپنی
شب فراق گئی روز انتظار آیا

امام بخش ناسخ

---

---

سو چاند بھی چمکیں گے تو کیا بات بنے گی
تم آئے تو اس رات کی اوقات بنے گی

جاں نثاراختر

---

---

نیند کو روکنا مشکل تھا پر جاگ کے کاٹی رات
سوتے میں آ جاتے وہ تو نیچی ہوتی بات

جمیل الدین عالی

---

---

اب خاک اڑ رہی ہے یہاں انتظار کی
اے دل یہ بام و در کسی جان جہاں کے تھے

جون ایلیا

---

---

جان لیوا تھیں خواہشیں ورنہ
وصل سے انتظار اچھا تھا

جون ایلیا

---

---