کھلا ہے در پہ ترا انتظار جاتا رہا
خلوص تو ہے مگر اعتبار جاتا رہا

جاوید اختر

---

---

جسے نہ آنے کی قسمیں میں دے کے آیا ہوں
اسی کے قدموں کی آہٹ کا انتظار بھی ہے

جاوید نسیمی

---

---

کبھی اس راہ سے گزرے وہ شاید
گلی کے موڑ پر تنہا کھڑا ہوں

جنید حزیں لاری

---

---

کون آئے گا یہاں کوئی نہ آیا ہوگا
میرا دروازہ ہواؤں نے ہلایا ہوگا

کیف بھوپالی

---

---

تیری آمد کی منتظر آنکھیں
بجھ گئیں خاک ہو گئے رستے

خلیل تنویر

---

---

اب ان حدود میں لایا ہے انتظار مجھے
وہ آ بھی جائیں تو آئے اعتبار مجھے

خمارؔ بارہ بنکوی

---

---

او جانے والے آ کہ ترے انتظار میں
رستے کو گھر بنائے زمانے گزر گئے

خمارؔ بارہ بنکوی

---

---