بے خودی لے گئی کہاں ہم کو
دیر سے انتظار ہے اپنا

میر تقی میر

---

---

نہیں ہے دیر یہاں اپنی جان جانے میں
تمہارے آنے کا بس انتظار باقی ہے

مرزا آسمان جاہ انجم

---

---

چمن میں شب کو گھرا ابر نو بہار رہا
حضور آپ کا کیا کیا نہ انتظار رہا

مرزا شوقؔ  لکھنوی

---

---

تم آ گئے ہو تو مجھ کو ذرا سنبھلنے دو
ابھی تو نشہ سا آنکھوں میں انتظار کا ہے

محمد احمد رمز

---

---

تم آ گئے ہو تم مجھ کو ذرا سنبھلنے دو
ابھی تو نشہ سا آنکھوں میں انتظار کا ہے

محمد احمد رمز

---

---

دیکھا نہ ہوگا تو نے مگر انتظار میں
چلتے ہوئے سمے کو ٹھہرتے ہوئے بھی دیکھ

محمد علوی

---

---

ہے کس کا انتظار کہ خواب عدم سے بھی
ہر بار چونک پڑتے ہیں آواز پا کے ساتھ

مومن خاں مومن

---

---