har tarah ki be-sar-o-samaniyon ke bawajud
aaj wo aaya to mujh ko apna ghar achchha laga
Ahmad Faraz
fareb-e-jalwa kahan tak ba-ru-e-kar rahe
naqab uThao ki kuchh din zara bahaar rahe
Akhtar Ali Akhtar
der lagi aane mein tum ko shukr hai phir bhi aae to
aas ne dil ka sath na chhoDa waise hum ghabrae to
Am grateful you came finally, though you were delayed
hope had not forsaken me, though must say was afraid
Andaleeb Shadani
itne din ke baad tu aaya hai aaj
sochta hun kis tarah tujh se milun
Athar Nafees
tumhaare sath ye mausam farishton jaisa hai
tumhaare baad ye mausam bahut sataega
Bashir Badr
gulon mein rang bhare baad-e-nau-bahaar chale
chale bhi aao ki gulshan ka karobar chale
Faiz Ahmad Faiz
aqs-e-mai tez karo saz ki lai tez karo
su-e-mai-KHana safiran-e-haram aate hain
Faiz Ahmad Faiz