ڈھونڈتی ہیں جسے مری آنکھیں
وہ تماشا نظر نہیں آتا

امجد حیدر آبادی

---

---

آپ کی مخمور آنکھوں کی قسم
میری مے خواری ابھی تک راز ہے

اسرار الحق مجاز

---

---

بچھی تھیں ہر طرف آنکھیں ہی آنکھیں
کوئی آنسو گرا تھا یاد ہوگا

بشیر بدر

---

---

کبھی کبھی تو چھلک پڑتی ہیں یوں ہی آنکھیں
اداس ہونے کا کوئی سبب نہیں ہوتا

بشیر بدر

---

---

کسی نے چوم کے آنکھوں کو یہ دعا دی تھی
زمین تیری خدا موتیوں سے نم کر دے

بشیر بدر

---

---

میں جس کی آنکھ کا آنسو تھا اس نے قدر نہ کی
بکھر گیا ہوں تو اب ریت سے اٹھائے مجھے

بشیر بدر

---

---

شبنم کے آنسو پھول پر یہ تو وہی قصہ ہوا
آنکھیں مری بھیگی ہوئی چہرہ ترا اترا ہوا

بشیر بدر

---

---