طلب کریں تو یہ آنکھیں بھی ان کو دے دوں میں
مگر یہ لوگ ان آنکھوں کے خواب مانگتے ہیں

عباس رضوی

---

---

آنکھوں تک آ سکی نہ کبھی آنسوؤں کی لہر
یہ قافلہ بھی نقل مکانی میں کھو گیا

عباس تابش

---

---

اک حسیں آنکھ کے اشارے پر
قافلے راہ بھول جاتے ہیں

عبد الحمید عدم

---

---

جب ترے نین مسکراتے ہیں
زیست کے رنج بھول جاتے ہیں

عبد الحمید عدم

---

---

بھر لائے ہیں ہم آنکھ میں رکھنے کو مقابل
اک خواب تمنا تری غفلت کے برابر

ابرار احمد

---

---

ہر ایک آنکھ میں ہوتی ہے منتظر کوئی آنکھ
ہر ایک دل میں کہیں کچھ جگہ نکلتی ہے

ابرار احمد

---

---

ذرا دیر بیٹھے تھے تنہائی میں
تری یاد آنکھیں دکھانے لگی

عادل منصوری

---

---