ترے جمال کی تصویر کھینچ دوں لیکن
زباں میں آنکھ نہیں آنکھ میں زبان نہیں

جگر مراد آبادی

---

---

یہ خد و خال یہ گیسو یہ صورت زیبا
سبھی کا حسن ہے اپنی جگہ مگر آنکھیں

خان رضوان

---

---

خدا بچائے تری مست مست آنکھوں سے
فرشتہ ہو تو بہک جائے آدمی کیا ہے

خمارؔ بارہ بنکوی

---

---

ہیں مری راہ کا پتھر مری آنکھوں کا حجاب
زخم باہر کے جو اندر نہیں جانے دیتے

خورشید رضوی

---

---

جان سے ہو گئے بدن خالی
جس طرف تو نے آنکھ بھر دیکھا

خواجہ میر دردؔ

---

---

آیا ہے مرے دل کا غبار آنسوؤں کے ساتھ
لو اب تو ہوئی مالک خشکی و تری آنکھ

خواجہ محمد وزیر لکھنوی

---

---

لڑنے کو دل جو چاہے تو آنکھیں لڑائیے
ہو جنگ بھی اگر تو مزے دار جنگ ہو

لالہ مادھو رام جوہر

---

---