تم پہ الزام نہ آ جائے سفر میں کوئی
راستہ کتنا ہی دشوار ہو ٹھہرا نہ کرو

عزیز وارثی

---

---

تمہاری ذات سے منسوب ہے دیوانگی میری
تمہیں سے اب مری دیوانگی دیکھی نہیں جاتی

عزیز وارثی

---

---

ڈوبا سفینہ جس میں مسافر کوئی نہ تھا
لیکن بھرے ہوئے تھے وہاں نا خدا بہت

عزیز الرحمن شہید فتح پوری

---

---

نہ جانے کون سی منزل پہ عشق آ پہونچا
دعا بھی کام نہ آئے کوئی دوا نہ لگے

عزیز الرحمن شہید فتح پوری

---

---

شاید یہی کتاب محبت ہو لا جواب
میری وفا کے ساتھ ہے تیری جفا بہت

عزیز الرحمن شہید فتح پوری

---

---

شہر ہو دشت تمنا ہو کہ دریا کا سفر
تیری تصویر کو سینے سے لگا رکھا ہے

عزیز الرحمن شہید فتح پوری

---

---

یہ بات سچ ہے کہ مرنا سبھی کو ہے لیکن
الگ ہی ہوتی ہے لذت نگاہ قاتل کی

عزیز الرحمن شہید فتح پوری

---

---