گھر ہمارا پھونک کر کل اک پڑوسی اے عتیقؔ
دو گھڑی تو ہنس لیا پھر بعد میں رویا بہت

عتیق الہ آبادی

---

---

ہونٹوں پر اک بار سجا کر اپنے ہونٹ
اس کے بعد نہ باتیں کرنا سو جانا

عتیق الہ آبادی

---

---

میں نے پوچھا یہ بتا مجھ سے بچھڑنے کا تجھے
کچھ قلق ہوتا ہے کیا اس نے کہا تھوڑا بہت

عتیق الہ آبادی

---

---

نوازتا تھا ہمیشہ وہ غم کی دولت سے
اور اس خزانے سے میں مالا مال ہو ہی گیا

عتیق الہ آبادی

---

---

اشک پلکوں پے بچھڑ کر اپنی قیمت کھو گیا
یہ ستارہ قیمتی تھا جب تلک ٹوٹا نہ تھا

عتیق انظر

---

---

بچھڑتے وقت انا درمیان تھی ورنہ
منانا دونوں نے اک دوسرے کو چاہا تھا

عتیق انظر

---

---

دور مجھ سے رہتے ہیں سارے غم زمانے کے
تیری یاد کی خوشبو دل میں جب ٹھہرتی ہے

عتیق انظر

---

---