تری شوخ آنکھوں میں بارہا کئی خواب دیکھے ہیں پیار کے
ترا پیار میرا نصیب ہے کسی اور کو یہ وفا نہ دے

عتیق انظر

---

---

تری زلفوں کے سائے میں اگر جی لوں میں پل دو پل
نہ ہو پھر غم جو میرے نام صحرا لکھ دیا جائے

عتیق انظر

---

---

تجھ سے مل کر بھی اداسی نہیں جاتی دل کی
تو نہیں اور کوئی میری کمی ہو جیسے

عتیق انظر

---

---

اسے دیکھنے کی تھی آرزو مجھے اس کی تھی بڑی جستجو
مگر اس کے عارض ناز پہ مری ہر نگاہ پھسل گئی

عتیق انظر

---

---

وہ غزل کی کتاب ہے پیارے
اس کو پڑھنا ثواب ہے پیارے

عتیق انظر

---

---

چرا کے لائے ہیں کچھ لوگ لفظ کے موتی
انہیں وہ بیچ رہے ہیں دکاں دکاں ہو کر

عتیق اثر

---

---

مسرت اور غم دونوں کی کوئی حد ضروری ہے
کسی بھی ایک شے کا سلسلہ اچھا نہیں لگتا

عتیق اثر

---

---