تمہاری بزم سے جب بھی اٹھے تو حال زدہ
کبھی جواب کے مارے کبھی سوال زدہ

عطا الرحمن جمیل

---

---

ان کو بھی جمیلؔ اپنے مقدر سے گلہ ہے
وہ لوگ جو سنتے تھے کہ چالاک بہت ہیں

عطا الرحمن جمیل

---

---

یہ دنیا ہے یہاں ہر آبگینہ ٹوٹ جاتا ہے
کہیں چھپتے پھرو آخر زمانہ ڈھونڈھ ہی لے گا

عطا الرحمن جمیل

---

---

بکھر بکھر گیا اک موج رائیگاں کی طرح
کسی کی جیت کا نشہ کسی کی مات کے ساتھ

عطاالرحمٰن قاضی

---

---

کشش کچھ ایسی تھی مٹی کی باس میں ہم لوگ
قضا کا دام بچھا تھا مگر چلے آئے

عطاالرحمٰن قاضی

---

---

عتیقؔ بجھتا بھی کیسے چراغ دل میرا
لگی تھی اس کی حفاظت میں ساری رات ہوا

عتیق الہ آبادی

---

---

دیو پری کے قصے سن کر
بھوکے بچے سو لیتے ہیں

عتیق الہ آبادی

---

---