مایوس نہ ہو بے رخیٔ چشم جہاں سے
شائستہ احساس کوئی کام کیے جا

انور صابری

---

---

میں جو رویا ان کی آنکھوں میں بھی آنسو آ گئے
حسن کی فطرت میں شامل ہے محبت کا مزاج

انور صابری

---

---

میری نگاہ فکر میں انورؔ
عشق فسانہ حسن ہے عریاں

انور صابری

---

---

محبت ہے ازل کے دن سے شامل میری فطرت میں
بلا تفریق شیخ و برہمن سے عشق ہے مجھ کو

انور صابری

---

---

مجھے تسلیم ہے قید قفس سے موت بہتر ہے
نشیمن پر ہجوم برق و باراں کون دیکھے گا

انور صابری

---

---

ممکن ہے مل ہی جائے مقام سکوں کہیں
تا مرگ ہم رکاب رہو زندگی کے ساتھ

انور صابری

---

---

ممکن ہے مرے بعد بھلا دیں مجھے لیکن
تا عمر انہیں میری وفا یاد رہے گی

انور صابری

---

---