یاد کی خوشبو دل کے نگر میں پھیلے گی
غم کے سائے لگتے ہیں اب شیتل سے

انور مینائی

---

---

اے کاش ہماری قسمت میں ایسی بھی کوئی شام آ جائے
اک چاند فلک پر نکلا ہو اک چاند سر بام آ جائے

انور مرزاپوری

---

---

اکیلا پا کے مجھ کو یاد ان کی آ تو جاتی ہے
مگر پھر لوٹ کر جاتی نہیں میں کیسے سو جاؤں

انور مرزاپوری

---

---

میں خوش ہوں اگر گلشن کے لیے کچھ میرا لہو کام آ جائے
لیکن مجھ کو ڈر ہے اس کا گلچیں پہ نہ الزام آ جائے

انور مرزاپوری

---

---

ہو سکتا ہے کوئی ہمیں بھی ڈھونڈے ان بنجاروں میں
جانے کس کی کھوج میں کب سے پھرتے ہیں بازاروں میں

انور ندیم

---

---

میرے کمرے میں سبھی چیزیں ہیں آج
زندگانی کی طرح بکھری ہوئی

انور ندیم

---

---

آدمیت کے سوا جس کا کوئی مقصد نہ ہو
عمر بھر اس آدمی کی جستجو کرتے رہو

انور صابری

---

---