ہار کے بھی نہیں مٹی دل سے خلش حیات کی
کتنے نظام مٹ گئے جشن ظفر کے بعد بھی

علی جواد زیدی

---

---

ہیں وجود شے میں پنہاں ازل و ابد کے رشتے
یہاں کچھ نہیں دو روزہ کوئی شے نہیں ہے فانی

علی جواد زیدی

---

---

ہم اہل دل نے معیار محبت بھی بدل ڈالے
جو غم ہر فرد کا غم ہے اسی کو غم سمجھتے ہیں

علی جواد زیدی

---

---

ہجر کی رات یہ ہر ڈوبتے تارے نے کہا
ہم نہ کہتے تھے نہ آئیں گے وہ آئے تو نہیں

علی جواد زیدی

---

---

جب چھیڑتی ہیں ان کو گمنام آرزوئیں
وہ مجھ کو دیکھتے ہیں میری نظر بچا کے

علی جواد زیدی

---

---

جب کبھی دیکھا ہے اے زیدیؔ نگاہ غور سے
ہر حقیقت میں ملے ہیں چند افسانے مجھے

علی جواد زیدی

---

---

جن حوصلوں سے میرا جنوں مطمئن نہ تھا
وہ حوصلے زمانے کے معیار ہو گئے

علی جواد زیدی

---

---