اردو हिंदी
Unity Shayari | Shaahi Shayari

Unity

15 Shers

ek ho jaen to ban sakte hain KHurshid-e-mubin
warna in bikhre hue taron se kya kaam bane

Abul Mujahid Zahid




hum ahl-e-dil ne meayar-e-mohabbat bhi badal Dale
jo gham har fard ka gham hai usi ko gham samajhte hain

Ali Jawwad Zaidi


Tags: | Gham | | Unity | | 2 Lines Shayari |


yahi hai ibaadat yahi din o iman
ki kaam aae duniya mein insan ke insan

Altaf Hussain Hali


Tags: | Unity | | 2 Lines Shayari |


KHanjar chale kisi pe taDapte hain hum 'amir'
sare jahan ka dard hamare jigar mein hai

Ameer Minai




sat sanduqon mein bhar kar dafn kar do nafraten
aaj insan ko mohabbat ki zarurat hai bahut

Bashir Badr




ahl-e-hunar ke dil mein dhaDakte hain sab ke dil
sare jahan ka dard hamare jigar mein hai

Fazl Ahmad kariim Fazli


Tags: | Unity | | 2 Lines Shayari |


'hafiz' apni boli mohabbat ki boli
na urdu na hindi na hindostani

Hafeez Jalandhari