نہیں اب کوئی خواب ایسا تری صورت جو دکھلائے
بچھڑ کر تجھ سے کس منزل پر ہم تنہا چلے آئے

خلیلؔ الرحمن اعظمی

---

---

نگاہ مہرباں اٹھتی تو ہے سب کی طرف لیکن
نہیں واقف ابھی سب لوگ رمز آشنائی سے

خلیلؔ الرحمن اعظمی

---

---

نکالے گئے اس کے معنی ہزار
عجب چیز تھی اک مری خامشی

خلیلؔ الرحمن اعظمی

---

---

سنا رہا ہوں انہیں جھوٹ موٹ اک قصہ
کہ ایک شخص محبت میں کامیاب رہا

خلیلؔ الرحمن اعظمی

---

---

تمام یادیں مہک رہی ہیں ہر ایک غنچہ کھلا ہوا ہے
زمانہ بیتا مگر گماں ہے کہ آج ہی وہ جدا ہوا ہے

خلیلؔ الرحمن اعظمی

---

---

تیرے نہ ہو سکے تو کسی کے نہ ہو سکے
یہ کاروبار شوق مکرر نہ ہو سکا

خلیلؔ الرحمن اعظمی

---

---

تیری گلی سے چھٹ کے نہ جائے اماں ملی
اب کے تو میرا گھر بھی مرا گھر نہ ہو سکا

خلیلؔ الرحمن اعظمی

---

---