یوں جی بہل گیا ہے تری یاد سے مگر
تیرا خیال تیرے برابر نہ ہو سکا

خلیلؔ الرحمن اعظمی

---

---

یوں تو مرنے کے لیے زہر سبھی پیتے ہیں
زندگی تیرے لیے زہر پیا ہے میں نے

خلیلؔ الرحمن اعظمی

---

---

زہر پی کر بھی یہاں کس کو ملی غم سے نجات
ختم ہوتا ہے کہیں سلسلۂ رقص حیات

خلیلؔ الرحمن اعظمی

---

---

ذرا جو تیز چلے تو کوئی بھی ساتھ نہ تھا
حصار فکر ہی بس اپنا پاسبان ہوا

خلیلؔ الرحمن اعظمی

---

---

زندگی بھی مرے نالوں کی شناسا نکلی
دل جو ٹوٹا تو مرے گھر میں کوئی شمع جلی

خلیلؔ الرحمن اعظمی

---

---

یہاں تو چاروں طرف قتل ہو رہے ہیں لوگ
میں کیسے دوں گا اکیلا شہادتیں سب کی

خلش بڑودوی

---

---

شکوہ اپنوں سے کیا جاتا ہے غیروں سے نہیں
آپ کہہ دیں تو کبھی آپ سے شکوہ نہ کریں

خلش کلکتوی

---

---