ہوتی نہیں ہے یوں ہی ادا یہ نماز عشق
یاں شرط ہے کہ اپنے لہو سے وضو کرو

خلیلؔ الرحمن اعظمی

---

---

جانے کیوں اک خیال سا آیا
میں نہ ہوں گا تو کیا کمی ہوگی

خلیلؔ الرحمن اعظمی

---

---

کوئی تو بات ہوگی کہ کرنے پڑے ہمیں
اپنے ہی خواب اپنے ہی قدموں سے پائمال

خلیلؔ الرحمن اعظمی

---

---

کوئی وقت بتلا کہ تجھ سے ملوں
مری دوڑتی بھاگتی زندگی

خلیلؔ الرحمن اعظمی

---

---

کیوں ہر گھڑی زباں پہ ہو جرم و سزا کا ذکر
کیوں ہر عمل کی فکر میں خوف خدا کی شرط

خلیلؔ الرحمن اعظمی

---

---

لاکھ سادہ سہی تیری یہ جبیں کی تحریر
اس سے اکثر مرے افکار کو ملتی ہے زباں

خلیلؔ الرحمن اعظمی

---

---

میں اپنے گھر کو بلندی پہ چڑھ کے کیا دیکھوں
عروج فن مری دہلیز پر اتار مجھے

خلیلؔ الرحمن اعظمی

---

---