میں اپنے گھر کو بلندی پہ چڑھ کے کیا دیکھوں
عروج فن مری دہلیز پر اتار مجھے

خلیلؔ الرحمن اعظمی

---

---

میں کہاں ہوں کچھ بتا دے زندگی اے زندگی!
پھر صدا اپنی سنا دے زندگی اے زندگی!

خلیلؔ الرحمن اعظمی

---

---

میرے دشمن نہ مجھ کو بھول سکے
ورنہ رکھتا ہے کون کس کو یاد

خلیلؔ الرحمن اعظمی

---

---

میرؔ کا طرز اپنایا سب نے لیکن یہ انداز کہاں
اعظمیؔ صاحب آپ کی غزلیں سن سن کر سب حیراں ہیں

خلیلؔ الرحمن اعظمی

---

---

مری نظر میں وہی موہنی سی مورت ہے
یہ رات ہجر کی ہے پھر بھی خوبصورت ہے

خلیلؔ الرحمن اعظمی

---

---

نہ چاہو تم تو ہر اک گام کتنی دیواریں
جو چاہو تم تو ملن کی ہزار صورت ہے

خلیلؔ الرحمن اعظمی

---

---

نہ جانے کس کی ہمیں عمر بھر تلاش رہی
جسے قریب سے دیکھا وہ دوسرا نکلا

خلیلؔ الرحمن اعظمی

---

---