اردو हिंदी
Khamoshi Shayari | Shaahi Shayari

Khamoshi

55 Shers

KHamosh rahne ki aadat bhi mar deti hai
tumhein ye zahr to andar se chaT jaega

Abid Khursheed




dur KHamosh baiTha rahta hun
is tarah haal dil ka kahta hun

Abroo Shah Mubarak




shor sa ek har ek samt bapa lagta hai
wo KHamoshi hai ki lamha bhi sada lagta hai

Adeem Hashmi




hum ne awwal to kabhi us ko pukara hi nahin
aur pukara to pukara bhi sadaon ke baghai

Ahmad Ata




chup-chap apni aag mein jalte raho 'faraaz'
duniya to arz-e-haal se be-abru kare

Ahmad Faraz




main tere kahe se chup hun lekin
chup bhi to bayan-e-muddaa hai

Ahmad Nadeem Qasmi




ol paDta to meri baat meri hi rahti
KHamushi ne hain diye sab ko fasane kya kya

Ajmal Siddiqi