وہ میری فہم کا لیتا ہے امتحاں شاید
کہ ہر سوال سے پہلے جواب مانگے ہے

کرامت علی کرامت

---

---

ایام مصیبت کے تو کاٹے نہیں کٹتے
دن عیش کے گھڑیوں میں گزر جاتے ہیں کیسے

کرامت علی شہیدی

---

---

جی چاہے گا جس کو اسے چاہا نہ کریں گے
ہم عشق و ہوس کو کبھی یکجا نہ کریں گے

کرامت علی شہیدی

---

---

سیکھ لے ہم سے کوئی ضبط جنوں کے انداز
برسوں پابند رہے پر نہ ہلائی زنجیر

کرامت علی شہیدی

---

---

آہ تو اب بھی دل سے اٹھتی ہے
لیکن اس میں اثر نہیں ہوتا

کرامت بخاری

---

---

ایک نظر میں اس نے ہر اک دل کو جیت لیا
ایک نظر میں اس کے ہو گئے جانے کتنے لوگ

کرامت بخاری

---

---

گواہی کے لیے کافی رہے گا
میں اپنا خون منہ پہ مل رہا ہوں

کرامت بخاری

---

---