تھک تھک کے تری راہ میں یوں بیٹھ گیا ہوں
گویا کہ بس اب مجھ سے سفر ہو نہیں سکتا

کشفی ملتانی

---

---

زمانہ آیا کچھ ایسا کہ اب تو ہر گھر میں
لٹک رہی ہے مسرت نظیر کی تصویر

کشفی ملتانی

---

---

دھوپ سائے کی طرح پھیل گئی
ان درختوں کی دعا لینے سے

کاشف حسین غائر

---

---

ہمارے دل کی طرح شہر کے یہ رستے بھی
ہزار بھید چھپائے ہوئے سے لگتے ہیں

کاشف حسین غائر

---

---

ہماری زندگی پر موت بھی حیران ہے غائرؔ
نہ جانے کس نے یہ تاریخ پیدائش نکالی ہے

کاشف حسین غائر

---

---

اک دن دکھ کی شدت کم پڑ جاتی ہے
کیسی بھی ہو وحشت کم پڑ جاتی ہے

کاشف حسین غائر

---

---

ان ستاروں میں کہیں تم بھی ہو
ان نظاروں میں کہیں میں بھی ہوں

کاشف حسین غائر

---

---