کنولؔ خوشی کی ہوا کرتی ہے یونہی تکمیل
غم حیات کے ہر بحر بیکراں سے گزر

کنولؔ ڈبائیوی

---

---

کچھ بجھی بجھی سی ہے انجمن نہ جانے کیوں
زندگی میں پنہاں ہے اک چبھن نہ جانے کیوں

کنولؔ ڈبائیوی

---

---

زندگی گم نہ دوستی گم ہے
یہ حقیقت ہے آدمی گم ہے

کنولؔ ڈبائیوی

---

---

چند سانسوں کے لئے بکتی نہیں خودداری
زندگی ہاتھ پہ رکھی ہے اٹھا کر لے جا

کنول ضیائی

---

---

ہمارا دور اندھیروں کا دور ہے لیکن
ہمارے دور کی مٹھی میں آفتاب بھی ہے

کنول ضیائی

---

---

ہمارا خون کا رشتہ ہے سرحدوں کا نہیں
ہمارے خون میں گنگا بھی چناب بھی ہے

کنول ضیائی

---

---

جس میں چھپا ہوا ہو وجود گناہ و کفر
اس معتبر لباس پہ تیزاب ڈال دو

کنول ضیائی

---

---