اس کا تو ایک لفظ بھی ہم کو نہیں ہے یاد
کل رات ایک شعر کہا تھا جو خواب میں

کمال احمد صدیقی

---

---

زندگی نام اسی موج مے ناب کا ہے
مے کدے سے جو اٹھے دار و رسن تک پہنچے

کمال احمد صدیقی

---

---

بکھرا بکھرا ہوں ایک مدت سے
رفتہ رفتہ سنور رہا ہوں میں

کمال جعفری

---

---

ہمیشہ آپ کو سمجھا کہ آپ اپنے ہیں
ہمیشہ آپ نے سمجھا کہ دوسرے ہیں ہم

کمال جعفری

---

---

قریب رہ کے بھی تو مجھ سے دور دور رہا
یہ اور بات کہ برسوں سے تیرے پاس ہوں میں

کمال جعفری

---

---

زلزلہ نیپال میں آیا کہ ہندوستان میں
زلزلہ کے نام سے تھرا اٹھا سارا جہاں

کمال جعفری

---

---

اب تو ہر وقت وہی اتنا رلاتا ہے مجھے
جس کو جاتے ہوئے میں دیکھ کے رو بھی نہ سکا

کامل اختر

---

---