زباں سے بات نکلی اور پرائی ہو گئی سچ ہے
عبث اشعار کو کرتے ہیں ہم تشہیر پہلے سے

حاتم علی مہر

---

---

آہ یہ برسات کا موسم یہ زخموں کی بہار
ہو گیا ہے خون دل آنکھوں سے جاری ان دنوں

حیا لکھنوی

---

---

چمن وہی ہے گھٹائیں وہی بہار وہی
مگر گلوں میں وہ اب رنگ و بو نہیں باقی

حیا لکھنوی

---

---

نگاہ شوق اگر دل کی ترجماں ہو جائے
تو ذرہ ذرہ محبت کا راز داں ہو جائے

حیا لکھنوی

---

---

رہیں غم کی شرر انگیزیاں یارب قیامت تک
حیاؔ غم سے نہ ملتی گر کبھی فرصت تو اچھا تھا

حیا لکھنوی

---

---

اب دلوں میں کوئی گنجائش نہیں ملتی حیاتؔ
بس کتابوں میں لکھا حرف وفا رہ جائے گا

حیات لکھنوی

---

---

چہرے کو تیرے دیکھ کے خاموش ہو گیا
ایسا نہیں سوال ترا لا جواب تھا

حیات لکھنوی

---

---