طلوع ہوگا ابھی کوئی آفتاب ضرور
دھواں اٹھا ہے سر شام پھر چراغوں سے

حزیں لدھیانوی

---

---

تندیٔ سیل وقت میں یہ بھی ہے کوئی زندگی
صبح ہوئی تو جی اٹھے، رات ہوئی تو مر گئے

حزیں لدھیانوی

---

---

اتر کے نیچے کبھی میرے ساتھ بھی تو چلو
بلند کھڑکیوں سے کب تلک پکارو گے

حزیں لدھیانوی

---

---

اب کہے جاؤ فسانے مری غرقابی کے
موج طوفاں کو مرے حق میں تھا ساحل ہونا

ہیرا لال فلک دہلوی

---

---

اے شام غم کی گہری خموشی تجھے سلام
کانوں میں ایک آئی ہے آواز دور کی

ہیرا لال فلک دہلوی

---

---

اپنا گھر پھر اپنا گھر ہے اپنے گھر کی بات کیا
غیر کے گلشن سے سو درجہ بھلا اپنا قفس

ہیرا لال فلک دہلوی

---

---

چراغ علم روشن دل ہے تیرا
اندھیرا کر دیا ہے روشنی نے

ہیرا لال فلک دہلوی

---

---