ساری عزت نوکری سے اس زمانے میں ہے مہرؔ
جب ہوئے بے کار بس توقیر آدھی رہ گئی

حاتم علی مہر

---

---

صبا جو بڑی باغ والی ہوئی ہے
تمہاری گلی کی نکالی ہوئی ہے

حاتم علی مہر

---

---

تری تلاش سے باقی کوئی مکاں نہ رہا
حرم میں دیر میں بندہ کہاں کہاں نہ رہا

حاتم علی مہر

---

---

تو نے وحدت کو کر دیا کثرت
کبھی تنہا نظر نہیں آتا

حاتم علی مہر

---

---

وحدہ لا شریک کی ہے قسم
اے صنم تم بتوں میں یکتا ہو

حاتم علی مہر

---

---

یاد میں اک شوخ پنجابی کے روتے ہیں جو ہم
آج کل پنجاب میں بہتا ہے دریا ایک اور

حاتم علی مہر

---

---

یاد رکھنے کی یہ باتیں ہیں بجا ہے سچ ہے
آپ بھولے نہ ہمیں آپ کو ہم بھول گئے

حاتم علی مہر

---

---