کیا تفرقہ ہوا جو ہوئے یار سے الگ
دل ہم سے اور ہم ہیں دل زار سے الگ

حاتم علی مہر

---

---

مار ڈالا تری آنکھوں نے ہمیں
شیر کا کام ہرن کرتے ہیں

حاتم علی مہر

---

---

مجمع میں رقیبوں کے کھلا تھا ترا جوڑا
کل رات عجب خواب پریشاں نظر آیا

حاتم علی مہر

---

---

نہ لے جا دیر سے کعبہ ہمیں زاہد کہ ہم واں بھی
خدا کو بھول جاتے ہیں بتوں کو یاد کرتے ہیں

حاتم علی مہر

---

---

نہ ذقن ہے وہ نہ لب ہیں نہ وہ پستاں نہ وہ قد
سیب و عناب و انار ایک شجر سے نکلے

حاتم علی مہر

---

---

رات دن سجدے کیا کرتا ہے حوروں کے لئے
کوئی زاہد کی نمازوں میں تو نیت دیکھتا

حاتم علی مہر

---

---

راتوں کو بت بغل میں ہیں قرآں تمام دن
ہندو تمام شب ہوں مسلماں تمام دن

حاتم علی مہر

---

---