تمہیں یاد ہی نہ آؤں یہ ہے اور بات ورنہ
میں نہیں ہوں دور اتنا کہ سلام تک نہ پہنچے

کلیم عاجز

---

---

مرا خیال نہیں ہے تو اور کیا ہوگا
گزر گیا ترے ماتھے سے جو شکن کی طرح

کمال احمد صدیقی

---

---

یاد نہ آنے کا وعدہ کر کے
وہ تو پہلے سے سوا یاد آیا

کرامت بخاری

---

---

تعاقب میں ہے میرے یاد کس کی
میں کس کو بھول جانا چاہتا ہوں

کوثر مظہری

---

---

تجھے کچھ اس کی خبر بھی ہے بھولنے والے
کسی کو یاد تیری بار بار آئی ہے

کوثر نیازی

---

---

وہ مل نہ سکے یاد تو ہے ان کی سلامت
اس یاد سے بھی ہم نے بہت کام لیا ہے

کوثر نیازی

---

---

چمک رہے تھے اندھیرے میں سوچ کے جگنو
میں اپنی یاد کے خیمے میں سو نہیں پایا

خالد ملک ساحلؔ

---

---