تنہائیوں کو سونپ کے تاریکیوں کا زہر
راتوں کو بھاگ آئے ہم اپنے مکان سے

کیف احمد صدیقی

---

---

صحرا میں آ نکلے تو معلوم ہوا
تنہائی کو وسعت کم پڑ جاتی ہے

کاشف حسین غائر

---

---

زمیں آباد ہوتی جا رہی ہے
کہاں جائے گی تنہائی ہماری

کاشف حسین غائر

---

---

کوئی بھی یقیں دل کو شادؔ کر نہیں سکتا
روح میں اتر جائے جب گماں کی تنہائی

خوشبیر سنگھ شادؔ

---

---

وہ نہیں ہے نہ سہی ترک تمنا نہ کرو
دل اکیلا ہے اسے اور اکیلا نہ کرو

محمود ایاز

---

---

کتنے چہرے کتنی شکلیں پھر بھی تنہائی وہی
کون لے آیا مجھے ان آئینوں کے درمیاں

محمود شام

---

---

غم و نشاط کی ہر رہ گزر میں تنہا ہوں
مجھے خبر ہے میں اپنے سفر میں تنہا ہوں

مخمور سعیدی

---

---