شکوہ اپنوں سے کیا جاتا ہے غیروں سے نہیں
آپ کہہ دیں تو کبھی آپ سے شکوہ نہ کریں

خلش کلکتوی

---

---

کوئی چراغ جلاتا نہیں سلیقے سے
مگر سبھی کو شکایت ہوا سے ہوتی ہے

خورشید طلب

---

---

مجھے تجھ سے شکایت بھی ہے لیکن یہ بھی سچ ہے
تجھے اے زندگی میں والہانہ چاہتا ہوں

خوشبیر سنگھ شادؔ

---

---

چپ رہو کیوں مزاج پوچھتے ہو
ہم جئیں یا مریں تمہیں کیا ہے

لالہ مادھو رام جوہر

---

---

میری ہی جان کے دشمن ہیں نصیحت والے
مجھ کو سمجھاتے ہیں ان کو نہیں سمجھاتے ہیں

لالہ مادھو رام جوہر

---

---

چاہی تھی دل نے تجھ سے وفا کم بہت ہی کم
شاید اسی لیے ہے گلا کم بہت ہی کم

محبوب خزاں

---

---

ہم گئے تھے اس سے کرتے شکوۂ درد فراق
مسکرا کر اس کو دیکھا سب گلا جاتا رہا

مرزا محمد تقی ہوسؔ

---

---