کیوں ہجر کے شکوے کرتا ہے کیوں درد کے رونے روتا ہے
اب عشق کیا تو صبر بھی کر اس میں تو یہی کچھ ہوتا ہے

حفیظ جالندھری

---

---

بدگماں آپ ہیں کیوں آپ سے شکوہ ہے کسے
جو شکایت ہے ہمیں گردش ایام سے ہے

حسرتؔ موہانی

---

---

شکوۂ غم ترے حضور کیا
ہم نے بے شک بڑا قصور کیا

حسرتؔ موہانی

---

---

رات آ کر گزر بھی جاتی ہے
اک ہماری سحر نہیں ہوتی

ابن انشا

---

---

پا رہا ہے دل مصیبت کے مزے
آئے لب پر شکوۂ بیداد کیا

امداد امام اثرؔ

---

---

روشنی مجھ سے گریزاں ہے تو شکوہ بھی نہیں
میرے غم خانے میں کچھ ایسا اندھیرا بھی نہیں

اقبال عظیم

---

---

سر اگر سر ہے تو نیزوں سے شکایت کیسی
دل اگر دل ہے تو دریا سے بڑا ہونا ہے

عرفانؔ صدیقی

---

---