دل کی تکلیف کم نہیں کرتے
اب کوئی شکوہ ہم نہیں کرتے

جون ایلیا

---

---

ہم عجب ہیں کہ اس کی باہوں میں
شکوۂ نارسائی کرتے ہیں

جون ایلیا

---

---

کیسے کہیں کہ تجھ کو بھی ہم سے ہے واسطہ کوئی
تو نے تو ہم سے آج تک کوئی گلہ نہیں کیا

جون ایلیا

---

---

ہم گئے تھے اس سے کرنے شکوۂ درد فراق
مسکرا کر اس نے دیکھا سب گلا جاتا رہا

جوشؔ ملیح آبادی

---

---

وہ کریں بھی تو کن الفاظ میں تیرا شکوہ
جن کو تیری نگہ لطف نے برباد کیا

جوشؔ ملیح آبادی

---

---

سنے گا کون میری چاک دامانی کا افسانہ
یہاں سب اپنے اپنے پیرہن کی بات کرتے ہیں

کلیم عاجز

---

---

دیکھنے والا کوئی ملے تو دل کے داغ دکھاؤں
یہ نگری اندھوں کی نگری کس کو کیا سمجھاؤں

خلیلؔ الرحمن اعظمی

---

---