لگی رہتی ہے اشکوں کی جھڑی گرمی ہو سردی ہو
نہیں رکتی کبھی برسات جب سے تم نہیں آئے

انور شعور

---

---

ہر عشق کے منظر میں تھا اک ہجر کا منظر
اک وصل کا منظر کسی منظر میں نہیں تھا

عقیل عباس جعفری

---

---

اک روشنی سی دل میں تھی وہ بھی نہیں رہی
وہ کیا گئے چراغ تمنا بجھا گئے

عرش ملسیانی

---

---

حالات نے کسی سے جدا کر دیا مجھے
اب زندگی سے زندگی محروم ہو گئی

اسد بھوپالی

---

---

اک شکل ہمیں پھر بھائی ہے اک صورت دل میں سمائی ہے
ہم آج بہت سرشار سہی پر اگلا موڑ جدائی ہے

اطہر نفیس

---

---

خلل پذیر ہوا ربط مہر و ماہ میں وقت
بتا یہ تجھ سے جدائی کا وقت ہے کہ نہیں

عزیز حامد مدنی

---

---

خود چلے آؤ یا بلا بھیجو
رات اکیلے بسر نہیں ہوتی

عزیز لکھنوی

---

---