تم حسن کی خود اک دنیا ہو شاید یہ تمہیں معلوم نہیں
محفل میں تمہارے آنے سے ہر چیز پہ نور آ جاتا ہے

ساحر لدھیانوی

---

---

آئینہ لے کے دیکھ ذرا اپنے حسن کو
آئے گی یہ بہار گلستاں خزاں میں یاد

شاہ نصیر

---

---

چاند سے تجھ کو جو دے نسبت سو بے انصاف ہے
چاند کے منہ پر ہیں چھائیں تیرا مکھڑا صاف ہے

شیخ ظہور الدین حاتم

---

---

حسن آئینہ فاش کرتا ہے
ایسے دشمن کو سنگسار کرو

شیخ ظہور الدین حاتم

---

---

ستم نوازئ پیہم ہے عشق کی فطرت
فضول حسن پہ تہمت لگائی جاتی ہے

شکیل بدایونی

---

---