husn ek dilruba hukumat hai
ishq ek qudrati ghulami hai

Abdul Hamid Adam

---

---

ishq hai be-gudaz kyun husn hai be-niyaz kyun
meri wafa kahan gai un ki jafa ko kya hua

Abdul Majeed Salik

---

---

kaun sani shahr mein is mere mah-pare ki hai
chand si surat dupaTTa sar pe yak-tare ka hai

Abdul Rahman Ehsan Dehlvi

---

---

phulon ki sej par zara aaram kya kiya
us gul-badan pe naqsh uTh aae gulab ke

Adil Mansuri

---

---

ye khula jism khule baal ye halke malbus
tum nai subh ka aaghaz karoge shayad

Afroz Alam

---

---

suna hai us ke badan ki tarash aisi hai
ki phul apni qabaen katar ke dekhte hain

Ahmad Faraz

---

---

tere hote hue mahfil mein jalate hain charagh
log kya sada hain suraj ko dikhate hain charagh

Ahmad Faraz

---

---