suna hai us ke badan ki tarash aisi hai
ki phul apni qabaen katar ke dekhte hain
Ahmad Faraz
jis bhi fankar ka shahkar ho tum
us ne sadiyon tumhein socha hoga
Ahmad Nadeem Qasmi
tashbih tere chehre ko kya dun gul-e-tar se
hota hai shagufta magar itna nahin hota
Akbar Allahabadi
aa ki main dekh lun khoya hua chehra apna
mujh se chhup kar meri taswir banane wale
Akhtar Saeed Khan
jis taraf tu hai udhar hongi sabhi ki nazren
id ke chand ka didar bahana hi sahi
Amjad Islam Amjad
charag chand shafaq sham phul jhil saba
churain sab ne hi kuchh kuchh shabahaten teri
Anjum Irfani
phul mahkenge yunhi chand yunhi chamkega
tere hote hue manzar ko hasin rahna hai
Ashfaq Husain