اردو हिंदी
Chaand Shayari | Shaahi Shayari

Chaand

29 Shers

kaun sani shahr mein is mere mah-pare ki hai
chand si surat dupaTTa sar pe yak-tare ka hai

Abdul Rahman Ehsan Dehlvi


Tags: | Chaand | | Husn | | 2 Lines Shayari |


chand mein kaise nazar aae teri surat mujhe
aandhiyon se aasman ka rang maila ho gaya

Afzal Minhas




mujh ko malum hai mahbub-parasti ka azab
der se chand nikalna bhi ghalat lagta hai

Ahmad Kamal Parwazi




kai chand the sar-e-asman ki chamak chamak ke palaT gae
na lahu mere hi jigar mein tha na tumhaari zulf siyah thi

Ahmad Mushtaq


Tags: | Chaand | | Zulf | | 2 Lines Shayari |


phul bahar hai ki andar hai mere sine mein
chand raushan hai ki main aap hi tabinda hun

Ahmad Shanas




sab sitare dilasa dete hain
chand raaton ko chiKHta hai bahut

Alok Mishra




ai kash hamari qismat mein aisi bhi koi sham aa jae
ek chand falak par nikla ho ek chand sar-e-baam aa jae

Anwar Mirzapuri