ہجر میں ملنے شب ماہ کے غم آئے ہیں
چارہ سازوں کو بھی بلواؤ کہ کچھ رات کٹے

مخدومؔ محی الدین

---

---

وصل کا گل نہ سہی ہجر کا کانٹا ہی سہی
کچھ نہ کچھ تو مری وحشت کا صلہ دے مجھ کو

مرغوب علی

---

---

دیکھ کر طول شب ہجر دعا کرتا ہوں
وصل کے روز سے بھی عمر مری کم ہو جائے

مرزارضا برق ؔ

---

---

اس سے ملنے کی خوشی بعد میں دکھ دیتی ہے
جشن کے بعد کا سناٹا بہت کھلتا ہے

معین شاداب

---

---

منیرؔ اچھا نہیں لگتا یہ تیرا
کسی کے ہجر میں بیمار ہونا

منیر نیازی

---

---

نیند آتی نہیں تو صبح تلک
گرد مہتاب کا سفر دیکھو

ناصر کاظمی

---

---

ترے آنے کا دھوکا سا رہا ہے
دیا سا رات بھر جلتا رہا ہے

ناصر کاظمی

---

---