ہجر میں مضطرب سا ہو ہو کے
چار سو دیکھتا ہوں رو رو کے

جرأت قلندر بخش

---

---

مت دیکھ کہ پھرتا ہوں ترے ہجر میں زندہ
یہ پوچھ کہ جینے میں مزہ ہے کہ نہیں ہے

کیف بھوپالی

---

---

میں لفظ لفظ میں تجھ کو تلاش کرتا ہوں
سوال میں نہیں آتا نہ آ جواب میں آ

کرامت علی کرامت

---

---

مری نظر میں وہی موہنی سی مورت ہے
یہ رات ہجر کی ہے پھر بھی خوبصورت ہے

خلیلؔ الرحمن اعظمی

---

---

تمہیں خیال نہیں کس طرح بتائیں تمہیں
کہ سانس چلتی ہے لیکن اداس چلتی ہے

محبوب خزاں

---

---

یوں گزرتے ہیں ہجر کے لمحے
جیسے وہ بات کرتے جاتے ہیں

مہیش چندر نقش

---

---

بڑی طویل ہے محشرؔ کسی کے ہجر کی بات
کوئی غزل ہی سناؤ کہ نیند آ جائے

محشر عنایتی

---

---