خرد ڈھونڈھتی رہ گئی وجہ غم
مزا غم کا درد آشنا لے گیا

کالی داس گپتا رضا

---

---

غم ہے نہ اب خوشی ہے نہ امید ہے نہ یاس
سب سے نجات پائے زمانے گزر گئے

خمارؔ بارہ بنکوی

---

---

دولت غم بھی خس و خاک زمانہ میں گئی
تم گئے ہو تو مہ و سال کہاں ٹھہرے ہیں

محمود ایاز

---

---

ان کا غم ان کا تصور ان کی یاد
کٹ رہی ہے زندگی آرام سے

محشر عنایتی

---

---

اب کارگہ دہر میں لگتا ہے بہت دل
اے دوست کہیں یہ بھی ترا غم تو نہیں ہے

مجروح سلطانپوری

---

---

غم میں کچھ غم کا مشغلا کیجے
درد کی درد سے دوا کیجے

منظر لکھنوی

---

---

ہم کو کس کے غم نے مارا یہ کہانی پھر سہی
کس نے توڑا دل ہمارا یہ کہانی پھر سہی

مسرور انور

---

---