جو زخم دیتا ہے تو بے اثر ہی دیتا ہے
خلش وہ دے کہ جسے بھول بھی نہ پاؤں میں

خلیل تنویر

---

---

درد کا ذائقہ بتاؤں کیا
یہ علاقہ زباں سے باہر ہے

خورشید اکبر

---

---

کی ترک محبت تو لیا درد جگر مول
پرہیز سے دل اور بھی بیمار پڑا ہے

لالہ مادھو رام جوہر

---

---

درد ہو دل میں تو دوا کیجے
اور جو دل ہی نہ ہو تو کیا کیجے

منظر لکھنوی

---

---

غم میں کچھ غم کا مشغلا کیجے
درد کی درد سے دوا کیجے

منظر لکھنوی

---

---

بھیگی مٹی کی مہک پیاس بڑھا دیتی ہے
درد برسات کی بوندوں میں بسا کرتا ہے

مرغوب علی

---

---

درد دل کیا بیاں کروں رشکیؔ
اس کو کب اعتبار آتا ہے

محمد علی خاں رشکی

---

---