اب یہ بھی نہیں ٹھیک کہ ہر درد مٹا دیں
کچھ درد کلیجے سے لگانے کے لیے ہیں

جاں نثاراختر

---

---

عشق کی چوٹ کا کچھ دل پہ اثر ہو تو سہی
درد کم ہو یا زیادہ ہو مگر ہو تو سہی

جلالؔ لکھنوی

---

---

دم بہ دم اٹھتی ہیں کس یاد کی لہریں دل میں
درد رہ رہ کے یہ کروٹ سی بدلتا کیا ہے

جمال پانی پتی

---

---

درد ہو دکھ ہو تو دوا کیجے
پھٹ پڑے آسماں تو کیا کیجے

جگر بریلوی

---

---

عشق کو دیجئے جنوں میں فروغ
درد سے درد کی دوا کیجئے

جگر بریلوی

---

---

عادت کے بعد درد بھی دینے لگا مزا
ہنس ہنس کے آہ آہ کئے جا رہا ہوں میں

جگر مراد آبادی

---

---

درد و غم دل کی طبیعت بن گئے
اب یہاں آرام ہی آرام ہے

the heart is accustomed to sorrow and pain
in lasting comfort now I can remain

جگر مراد آبادی

---

---