دشمن جاں ہی سہی ساتھ تو اک عمر کا ہے
دل سے اب درد کی رخصت نہیں دیکھی جاتی

اختر سعید خان

---

---

دل میں لیتا ہے چٹکیاں کوئی
ہائے اس درد کی دوا کیا ہے

اختر شیرانی

---

---

درد بڑھ کر دوا نہ ہو جائے
زندگی بے مزا نہ ہو جائے

علیم اختر

---

---

درد کا پھر مزہ ہے جب اخترؔ
درد خود چارہ ساز ہو جائے

علیم اختر

---

---

لذت درد ملی عشرت احساس ملی
کون کہتا ہے ہم اس بزم سے ناکام آئے

علی جواد زیدی

---

---

شب کے سناٹے میں یہ کس کا لہو گاتا ہے
سرحد درد سے یہ کس کی صدا آتی ہے

علی سردار جعفری

---

---

اک درد ہو بس آٹھ پہر دل میں کہ جس کو
تخفیف دوا سے ہو نہ تسکین دعا سے

الطاف حسین حالی

---

---