زخم اور پیڑ نے اک ساتھ دعا مانگی ہے
دیکھیے پہلے یہاں کون ہرا ہوتا ہے

عابد ملک

---

---

کیوں نہ اپنی خوبیٔ قسمت پہ اتراتی ہوا
پھول جیسے اک بدن کو چھو کر آئی تھی ہوا

عابد مناوری

---

---

دم کے دم میں دنیا بدلی بھیڑ چھٹی کہرام اٹھا
چلتے چلتے سانس رکی اور ختم ہوا افسانہ بھی

عابد نامی

---

---

یہ آج کون سی تقصیر ہو گئی نامیؔ
کہ دوست بھی تو ملاتے نہیں نظر ہم سے

عابد نامی

---

---

اس کے ڈر ہی سے میں مہذب ہوں
میرے اندر جو ایک وحشی ہے

عابد صدیق

---

---

کف خزاں پہ کھلا میں اس اعتبار کے ساتھ
کہ ہر نمو کا تعلق نہیں بہار کے ساتھ

عابد سیال

---

---

یہاں وہاں ہیں کئی خواب جگمگاتے ہوئے
کہیں کہیں کوئی تعبیر ٹمٹماتی ہوئی

عابد سیال

---

---