وہ ایک دن جو تجھے سوچنے میں گزرا تھا
تمام عمر اسی دن کی ترجمانی ہے

ابھیشیک شکلا

---

---

یہ امتیاز ضروری ہے اب عبادت میں
وہی دعا جو نظر کر رہی ہے لب بھی کریں

ابھیشیک شکلا

---

---

یہ جو دنیا ہے اسے اتنی اجازت کب ہے
ہم پہ اپنی ہی کسی بات کا غصہ اترا

ابھیشیک شکلا

---

---

یہ جو ہم تخلیق جہان نو میں لگے ہیں پاگل ہیں
دور سے ہم کو دیکھنے والے ہاتھ بٹا ہم لوگوں کا

ابھیشیک شکلا

---

---

خموش رہنے کی عادت بھی مار دیتی ہے
تمہیں یہ زہر تو اندر سے چاٹ جائے گا

عابد خورشید

---

---

ابھی سے اس میں شباہت مری جھلکنے لگی
ابھی تو دشت میں دو چار دن گزارے ہیں

عابد ملک

---

---

بڑے سکون سے افسردگی میں رہتا ہوں
میں اپنے سامنے والی گلی میں رہتا ہوں

عابد ملک

---

---