فلک سے کیسے مرا غم دکھائی دے گا تجھے
کبھی زمین پہ آ اور زمیں سے دیکھ مجھے

عابد ملک

---

---

ہزار طعنے سنے گا خجل نہیں ہوگا
یہ وہ ہجوم ہے جو مشتعل نہیں ہوگا

عابد ملک

---

---

میاں یہ عشق تو سب ٹوٹ کر ہی کرتے ہیں
کسی سے ہجر اگر والہانہ ہو جائے

عابد ملک

---

---

نکال لائے ہیں سب لوگ اس کے عکس میں نقص
یہ آئینہ ابھی تیار ہونے والا ہے

عابد ملک

---

---

پوچھتا پھرتا ہوں میں اپنا پتہ جنگل سے
آخری بار درختوں نے مجھے دیکھا تھا

عابد ملک

---

---

سب مجھے ڈھونڈنے نکلے ہیں بجھا کر آنکھیں
بات نکلی ہے کہ میں خواب میں پایا گیا ہوں

عابد ملک

---

---

یہ محبت کوئی انجان سی شے ہوتی تھی
کیا یہ کم ہے کہ اسے تیری بدولت سمجھے

عابد ملک

---

---