روشن الاؤ ہوتے ہی آیا ترنگ میں
وہ قصہ گو خود اپنے میں اک داستان تھا

امیر حمزہ ثاقب

---

---

تہہ کر چکے بساط غم و فکر روزگار
تب خانقاہ عشق و محبت میں آئے ہیں

امیر حمزہ ثاقب

---

---

تیری خوشبو ترا پیکر ہے مرے شعروں میں
جان یوں ہی نہیں یہ طرز مثالی میرا

امیر حمزہ ثاقب

---

---

تمہاری ذات حوالہ ہے سرخ روئی کا
تمہارے ذکر کو سب شرط فن بناتے ہیں

امیر حمزہ ثاقب

---

---

تو آیا لوٹ آیا ہے گزرے دنوں کا نور
چہروں پہ اپنے ورنہ تو برسوں کا زنگ تھا

امیر حمزہ ثاقب

---

---

یہ گرد ہے مری آنکھوں میں کن زمانوں کی
نئے لباس بھی اب تو پرانے لگتے ہیں

امیر حمزہ ثاقب

---

---

ہم خدا بھی مان لیں گے آپ کو
آپ پہلے ہو تو جائیں آدمی

عامر موسوی

---

---