ایک جہان لا یعنی غرقاب ہوا
ایک جہان معنی کی تشکیل ہوئی

امیر حمزہ ثاقب

---

---

خبر بھی ہے تجھے اس دفتر محبت کو
جلانے جلنے میں کیا کیا زمانے لگتے ہیں

امیر حمزہ ثاقب

---

---

لہو جگر کا ہوا صرف رنگ دست حنا
جو سودا سر میں تھا صحرا کھنگالنے میں گیا

امیر حمزہ ثاقب

---

---

مکاں اجاڑ تھا اور لا مکاں کی خواہش تھی
سو اپنے آپ سے باہر قیام کر لیا ہے

امیر حمزہ ثاقب

---

---

میری برہنہ پشت تھی کوڑوں سے سبز و سرخ
گورے بدن پہ اس کے بھی نیلا نشان تھا

امیر حمزہ ثاقب

---

---

میری دنیا اسی دنیا میں کہیں رہتی ہے
ورنہ یہ دنیا کہاں حسن طلب تھی میرا

امیر حمزہ ثاقب

---

---

پھر بدن میں تھکن کی گرد لیے
پھر لب جوئے بار ہیں ہم لوگ

امیر حمزہ ثاقب

---

---